Danista Chup Episode 1

 وہ مجھ سے اتنی محبت جتانے لگتا ہے 

کبھی کبھی تو مجھے خوف آنے لگتا ہے

کچھ اس لئے بھی تو وحشت ہے مجھ کو ساون سے 

یہ دل میں یاد کی بیلیں اگانے لگتا ہے

وہ ہر خیال پہ کرتا ہے گفتگو مجھ سے

وفا  کی بات  پہ  پہلو  بچانے  لگتا ہے

فضا میں اڑتے پرندوں کو جب بھی دیکھتا ہوں

مرے وجود میں کچھ پھڑپھڑانے لگتا ہے 

کسی ستم پہ جو دانستہ چپ رہوں فہمی 

مری  رگوں  میں  لہو سنسنانے  لگتا  ہے

(شوکت فہمی)

رات کے تقریباً دو بجے کے قریب وہ تھکی ہاری گھر لوٹی تھی۔ آج سے پہلے تو وہ کبھی اتنی دیر سے گھر نہیں آئی تھی مگر آج جووجہ بنی تھی اسکے پیشِ نظر تو وہ گھر واپسی پر بھی رضامند نہ تھی۔ لیکن جا بھی کہاں سکتی تھی۔؟ کوئی اور ٹھکانہ بھی تونہ تھا۔ 

بغیر آہٹ پیدا کیے وہ دھیرے سے گھر آئی تھی۔ پورے لاؤنج میں تاریکی رچی ہوئی تھی۔ جو سب کے آرام کرنے کی گواہی تھی۔ وہدروازے کے پاس ہی ایک لمبا سانس لے کر اندر آئی تھی۔ ذہن میں ابھی بھی لاتعداد لایعنی سوچیں تھیں۔ 

"کیا ،،، کیا وہ آگیا ہوگا؟" اس کے دل نے ڈرتے ڈرتے دماغ سے سوال کیا تھا جس پہ فوری طور پہ ڈپٹ ہوئی تھی۔ 

"اسکا آنا جانا میرے لیے کوئی معنی نہیں رکھتا۔!!!" وہ اس لمحے خود کو تیار کیے اندر آئی تھی۔ مگر۔۔۔ 

مگر جونہی وہ آگے بڑھی ایک ٹاریچ لائٹ کی روشنی نے اسے اپنا مرکز بنایا۔ اور نظریں اٹھانا اسکے لیے محال ہوگیا۔ دل کیدھڑکنیں تھیں کہ میراتھون کی چمپئین بننا چاہتی تھیں۔ 

Danista Chup Episode 1

ہاں وہ "میسم جمال" ہی تھا۔ جو اس سے بھی زیادہ تھکا ہوا نظر آرہا تھا یہ شاید سفر کی تھکان تھی۔ اپنی مشکل سے کھلتیآنکھوں سے وہ سفید کیپری کے اوپر لیمن رنگ کا کرتا زیب تن کیے ، اسٹالر گلے میں ڈالے اور بالوں کا میسی جوڑا بنائے "ابیہہدانیال" کو بھرپور توجہ سے دیکھ رہا تھا۔ جسے دیکھ کر اسکا چہرہ اسپاٹ ہوگیا تھا۔ 

مگر میسم جمال اس سب سے انجان سر ہلا کر نیند بھگاتا اسے کے قریب آیا تھا۔ مگر ابیہہ تب تک کچن کی طرف اپنا رخ کرچکیتھی۔ 

"کہاں رہ گئی تھیں تم۔؟" دھیمے لہجے میں نہایت محبت سے پوچھتا وہ کوئی دیوانہ ہی معلوم ہوا تھا جو کل ساری رات سفر اور آجشام سے اسکے انتظار میں تھا کہ کب دیدار یار اسے نصیب ہوگا۔ 

ابییہ نے مشکل سے اپنے احساسات کو کنٹرول کرتے کچھ کہنا ہی چاہا تھا مگر زارا بیگم کی آواز پہ وہ دونوں چونکے تھے۔ 

"میسم ، تم سوئے نہیں ہو؟" اور بیا تم اب آئی ہو؟" وہ بیک وقت دونوں سے مستفسر ہوئی تھیں۔ 

"مما پانی لینا آیا تھا۔" وہ بہانا بناتا بیا کو زہر ہی لگا تھا۔ کیونکہ اسکے تیوروں سے یہ تو ہرگز نہیں لگ رہا تھا۔ وہ تو گویا آج ہیسوال جواب پہ رضامند نظر آیا تھا۔ 

زارا بیگم سرہلاتیں مسکرا کر لاؤنج کی لائٹ چلاتی کچن میں گئی تھیں۔ انہیں واقعی یاد آیا کہ وہ میسم کے کمرے میں پانی رکھنابھول گئی تھیں۔ جبکہ میسم پھر بیا کی طرف متوجہ ہوا تھا۔ 

"کیسی ہو؟" لہجے کی بیقراری اور دھیما پن زارا بیگم کو مسکرانے پہ مجبور کرگیا۔ جبکہ بیا کسی بھی طرح جان خلاصی کرواناچاہتی تھی۔ 

"ٹھیک ، شبِ خیر۔" وہ ایک لفظی جواب زارا بیگم کی وجہ سے دیتی ، انہی پہ نظریں مرکوز کیے بولتے ساتھ ہی اپنے کمرے کی طرفچلی گئی تھی۔

زارا بیگم اسکی جھکجھک سمجھ کر میسم کو بھی پانی دے کر اپنے لیے جووڑوں کی دوا لے کر کمرے میں چلی گئی تھیں۔ 

گوکہ میسم بیا اس سے مزید باتیں کرنا چاہتا تھا مگر اسکی پچھلی باتیں میسم کو اچھے سے یاد تھیں۔ لیکن آج کے لیے اسے روبرودیکھنا ہی کافی تھا۔ وہ آسودگی سے مسکراتا اپنے کمرے میں آیا تھا اب نیند کا آنا قدرے آسان تھا۔ 

____________________________________

اگلی صبح وہ آٹھ بجے ہی ہسپتال جانے کے لیے تیار تھی۔ دادی تو اسے گھور کر دیکھ رہی تھیں کیونکہ انہیں کل شام بھی اسکاگھر نہ ہونا اور تو اور رات کو دیر سے گھر آنا ذرا برابر پسند نہیں آیا تھا۔ 

"اتنے پیار سے دیکھیں گیں تو آج بھی لیٹ گھر آؤں گی۔" جواباً بیا نے بھی منہ بنا کر کہا تھا۔ 

"خبردار جو لیٹ آئیں ، ورنہ میں نے بھی اب گھر بیٹھا لینا ہے۔" دادی کی دھمکی کو اپنے سوچوں سے ملاتی وہ خفگی سے بولیتھی۔ 

"دادی ، مجھے پتا تھا اب یہی کرنا ہے آپ نے۔ شادی کرو ، گھر بیٹھو۔" وہ دانستہ میسم کے آنا کا ذکر نہیں کرگئی تھی۔ شادی کالفظ سن کر دادی شاکی نظروں سے اسے دیکھنے لگیں تھیں۔ انکا تو یہ مطلب بھی نہیں تھا۔ 

"میں نے کب شادی کا ذکر کیا؟ تم کہتی ہو تو تمہاری ساس سے بات کرتی ہوں کہ اب وہ بھی سنجیدگی سےسوچے۔" دادی نے توگویا اسکی بات کا پورا مزہ لیا تھا۔ جس پہ ابیہہ نے استغفراللہ کہا تھا۔ 

"ہمارے سامنے استغفراللہ اور رات کو۔۔۔" دادی نے گویا آج مصمم ارادہ کیا تھا کہ اسے تنگ کرنا ہے۔ 

"کچھ نہیں ہوسکتا آپکا۔۔۔" وہ ان سے ملتے اجلت میں نکلی تھی کیونکہ نو بجنے میں بس دس منٹ ہی رہ گئے تھے۔ اور مزید دیر وہافورڈ نہیں کرسکتی تھی۔ 

____________________________________

سحرش اسے پانچ بار کال کرکے مجبوراً اسکے پاس اسکے کیبن میں آئی تھی جہاں وہ سر کو سیدھے سے مسلتے کچھ پریشان نظرآئی تھی۔ 

"کیا ہوا؟ اذ ویری تھنگ آل رائٹ۔۔۔" سحرش اسکے سامنے چئیر پہ بیٹھتے سوالیہ ہوئی تھی۔ ابیہہ پہلے تو چونکی مگر پھر نفی میںسر ہلاتی آگے پڑے ڈاکومنٹس بند کرنے لگی۔ 

"پچھلے ایک ہفتے سے پریشان ہو۔ اور مانتی بھی نہیں ہو۔" سحرش نے اسکے ٹالنے پہ گھور کر دیکھا تھا۔ ابیہہ نے اسے میسم کےآنے کے بارے میں نہیں بتایا تھا۔ مگر اب وہ صبح والی دادی کی بات سن کر قدرے پریشان تھی۔

"میسم واپس آگیا ہے۔" وہ سر مسلتے بولی تھی۔ جس پہ سحرش نے سنجیدگی سے اسے دیکھا تھا۔ 

"تمہاری بات نہیں ہوئی اس سے؟" 

"ہوئی تھی۔ اور کوئی فائدہ نہیں ہے وہ ایک انتہائی امیچور انسان ہے۔" 

"تم میچور ہوجاؤ۔!" سحرش اسے سمجھانے لگی تھی مگر ابیہہ نے کی شکل دیکھ کر وہ خود ہی چپ ہوگئی تھی۔ 

"یار میں کیسے خود کو راضی کروں؟ پکڑ کر نکاح کردیا اور وہ بھی اتنا کوئی فضول انسان ہے جسے بس شوہر بننے کا شوق ہے۔" وہتپ کر کہتی سحرش کو مسکراہٹ دبانے پہ مجبور کرگئی۔ 

"تمہیں بڑا پتا ہے کہ اسے شوہر بننے کا بہت شوق ہے۔" 

"ہاں تو اور کیا ،،، بچپن میں جب بھی کوئی پوچھتا تھا بےشرم انسان یہی کہتا تھا کہ شوہر بننا ہے۔" 

"تم خود بھی کچھ سوچ لو۔۔۔!" سحرش نے اسکی یاد پہ ضرب لگاتے کہا تھا جسے وہ اچھی طرح سمجھی تھی مگر سمجھنا نہیںچاہتی تھی۔ 

جاری ہے۔